4 iyul kuni Guliston shahrida yuk poezdi ayol kishini urib yubordi. Bu haqda tarqalgan xabarlarni Sirdaryo viloyati prokuraturasi «Sirdaryo Xabarlari»ga tasdiqlagan.
Unga ko`ra, 2021 yil 4 iyul kuni soat 12:20larda Sirdaryo viloyati «Guliston-Oqoltin» temir yo`l bekatlari oralig`i 3484km 1-piketida yuk poezdi Guliston shahar 3-mavzedan Bahor mahallasiga o`tish joyida mavjud bo`lgan piyodalar o`tish yo`lagidan o`tayotgan Guliston shahrida yashovchi 55 yoshli M.D. (ayol)ni urib yuborgan.
Xabarga ko`ra, ayol olgan tan jarohati oqibatida voqea joyida vafot etgan.
"Hozirda Xovos transport prokuraturasi tomonidan tergovga qadar tekshiruv harakatlari olib borilmoqda", — deyiladi xabarda.
Eslatib o`tamiz, avvalroq, joriy yilning 24 may kuni soat 13-30 larda Xovos tumani poezd urib ketgan ayolning tanasi ikkiga bo`linib ketgani xabar qilingan edi.
