Olmaliqda janjal oqibatida 27 yoshli yigit vafot etdi

8 iyul kuni Toshkent viloyati Olmaliq shahrida joylashgan «Olmaliq dehqon bozori» MChJ hududida meva va poliz mahsulotlari sotish bilan shug`ullanuvchilar (ismlar o`zgartirilgan) aka-uka 29 yoshli Baxodir va 22 yoshli Ismoil hamda 1996 y.t. 25 yoshli Kozimjon o`rtasida, o`zaro gap talashishlari oqibatida janjal kelib chiqqan. Bu haqda Toshkent viloyati IIBB Axborot xizmati xabar bermoqda. 

Janjal vaqtida Kozimjon qo`li bilan Baxodirni urgan vaqtida janjalga Ismoil (Baxodirning ukasi) qo`shilgan va qo`lida bo`lgan oshxona pichog`i bilan Kozimning ko`krak qismiga bir marotaba urib, tan jarohati etkazgan.

Natijada, 25 yoshda bo`lgan Kozimjon olgan tan jarohati bilan Olmaliq shahar tibbiyot birlashmasining jonlantirish bo`limida vafot etgan.

Mazkur holat yuzasidan Olmaliq shahar prokuraturasi tomonidan Jinoyat kodeksining 97-moddasi 2-qismi «j» bandi bilan jinoyat ishi qo`zg`atilib, dastlabki tergov harakatlari olib borilmoqda.