Sog`liqni saqlash vazirligining axborot berishicha, joriy yilning 20-25-iyul kunlari ZF-UZ-VAC 2001 vaksinasidan qo`shimcha 4 mln. doza olib kelish ko`zda tutilgan. Bu haqda O`zbekistonda ZF-UZ-VAC2001 vaksina sinovlari jarayonlari haqida xabar beruvchi Vaksinauz kanalida xabar qilindi.
Shuningdek, avgust oyida Sputnik V vaksinasidan 160 ming doza hamda avgust-sentyabr oylarida COVAX dasturi doirasida yana 660 ming doza (AstraZeneca yoki Moderna) vaksinalari olib kelinishi kutilmoqda.
