Соғлиқни сақлаш вазирлигининг ахборот беришича, жорий йилнинг 20-25-июль кунлари ZF-UZ-VAC 2001 вакцинасидан қўшимча 4 млн. доза олиб келиш кўзда тутилган. Бу ҳақда Ўзбекистонда ZF-UZ-VAC2001 вакцина синовлари жараёнлари ҳақида хабар берувчи Vaksinauz каналида хабар қилинди.
Шунингдек, август ойида Спутник V вакцинасидан 160 минг доза ҳамда август-сентябрь ойларида COVAX дастури доирасида яна 660 минг доза (AstraZeneca ёки Moderna) вакциналари олиб келиниши кутилмоқда.
