Kosonsoyda kuchli do`l yog`di. Asli bu do`l Kosonsoy tumaniga qo`shni respublika yani Qirg`izistonning Jalolobod viloyatining tog`li xududlaridan kirib keldi. Kecha xabar berganimizdek, birdaniga kuchli tarzda shiddat bilan kirib kelgan sel, tumandagi soy bo`yida dam oluvchilar va cho`milayotganlar qochib qolishga ulgurmaganlar.
Ayrimlari esa ko`rsatilgan tezkor yordamga ko`ra qirg`oqqa olib chiqilgan. 8 ta o`lim holati (eng katta yoshdagi fukaro 48 kichigi 6 yosh bulgan) va 15 nafar jarohatlanganlar qayd etilgan. 15 nafar fuqaro Kosonsoy tuman tibbiyot birlashmasiga olib kelingan. 6 nafari shoshilinch terapiya bo`limida, qolganlariga esa ambulator yordam ko`rsatilgan. Shu kuni selda bir nafar 7 yoshli bolacha dom-daraksiz yo`qolgan edi. Vafot etganlarning barchasi Kosonsoyga dam olish uchun borgan Namangan shahar fuqarolari bo`lgan.
Abror Ergashov Kosonsoy tuman FVB boshlig`ining aytishicha, tumanda hamon favqulodda holat saqlanib turmoqda. Boisi yo`qolgan bola hali topilmagan va biror bir ma`lumot yo`q.
Namangandan maxsus muxbiri Umida Qo`shaqova
