2021 yil 26 iyul kuni, Zangiota tuman IIB TEQKB xamda IIB XPB xodimlari tomonidan tezkor o`tkazilgan tadbir davomida 2021 yil iyun oyi boshidan xozirgi kunga qadar 24 nafar voyaga etmagan va 1 nafar voyaga etgan bolalarga “Arab alifbosi”, “Tajvid” “Qur`on Karim”dan sura va oyatlaridan diniy saboq berib kelinayotgan “Xujra” aniqlandi. Bu haqda tuman hokimligi xabar berdi.
Aniqlanishicha, bu ish 1996 yil 9 noyabrda Toshkent shahrida tug`ilgan, O`zbekiston Respublikasi fuqarosi, millati o`zbek, ma`lumoti o`rta-maxsus, muqaddam sudlanmagan, bo`ydoq, Toshkent shahar, Uchtepa tumani, Chamanzor maxallasi, Dongdor ko`chasi 2-uyda ro`yxatda turib yashovchi Sayidazimov Abduqayum Ortiqxo`ja o`g`li tomonidan amalga oshirib kelingan.
Xabarda aytilishicha, xolislar ishtirokida ushbu xonadondan 18 dona “Qur`on Karim” va 6 dona “Muallimi soniy” kitoblaridan daliliy ashyo tariqasida olingan. Hozirda holat yuzasidan hujjatlar rasmiylashtirilib olingan.
