Asakada Damas zovurga tushib ketdi. Bu haqda Yo`l harakati xavfsizligi bosh boshqarmasi xabar berdi.
Dastlabki ma`lumotlarga ko`ra, bugun soat 12:40 larda, Andijon viloyati, Asaka tumani, "Kuchgan" MFY hududidan o`tgan ichki avtomobil yo`lida haydovchi, 1959 yilda tug`ilgan A.M. "Damas" avtomobilida harakatlanayotib boshqaruvni yo`qotgan va avtomobil yo`ldan chiqib ketib zovurga tushib ketgan.
Natijada, yo`lovchi, 1987 yilda tug`ilgan B.A. tan jarohati bilan shifoxonaga olib ketilgan.
Hozirda avtomobilni zovurdan chiqarish choralari ko`rilib, YTH yuzasidan Asaka tumani IIB YHXB xodimlari tomonidan surishtiruv harakatlari olib borilmoqda.
Shu o`rinda YHXBB barcha haydovchilardan qoidalarga rioya qilishlarini so`ramoqda.
