Nazrullo Oblomurodovning Prezidentlikka nomzodi tasdiqlandi

Bugun  O`zbekiston Ekologik partiyasining III – S`ezdida O`zbekiston Respublikasi Prezidentligiga nomzod etib partiya Markaziy Kengashi Ijroiya qo`mitasi raisi Narzullo Naimovich Oblomurodov nomzodi ko`rsatilishi haqida qaror qabul qilindi. 

Shuningdek ,nomzodning saylovoldi dasturi tasdiqlandi.

Oblomurodovning “Biz kelajak uchun javobgarmiz” saylovoldi dasturi bosh shiori e`lon qilindi.

Ma`lum bo`lishicha, mazkur saylovoldi dasturda asosiy e`tibor bir qator ekologik muammolarni bartaraf etish, aholining ekologik madaniyatini rivojlantirish kabi masalalarga qaratilgan.

Shu bilan birga ularda quyidagilar: 

•  Energiya samaradorligiga erishish;
• “Yashil” taraqqiyot tamoyillarini joriy etishda samarali xalqaro hamkorlikni rivojlantirish;
• Chiqindilar va ularni qayta ishlash masalasida kompleks yondashuv kabi masalalar o`rin olgan.