Ijtimoiy tarmoqda Namanganda ayol kishiga zo`ravonlik qilingani aks etgan video tarqaldi
"Muxbir Daliyev" telegram kanalida mazkur videoga izoh qoldirildi.
Unda qayd etilishicha, holat Namanganda yuz bergan.
"Ayollarga zo`ravonlik qilish jamiyatimizning bir qusuri bo`lsa, tomoshabin bo`lib turish ikkinchi qusuri. Mayli haqorat qilgandir. Ammo ojizligini bilib turib unga kuch ishlatish yaxshi emas.
Murojaat qilishlaricha, ushbu ayolga kuch ishlatgan shaxs prokuratura xodimi deyilmoqda. Voqea Namanganda bo`lgan. Bu huquqbuzarlik nima bilan tugagani ma`lum emas. Jamiyatda huquqbuzarliklar o`rmon qoidalari bilan emas davlat qonunlari asosida echim topilishi tarafdorimiz",–deyiladi xabarda.
Bosh prokurorining matbuot kotibi Hayot Shamsutdinov bu borada quyidagilarni ma`lum qildi.
""Muxbir Daliyev" telegram kanalida Namanganda prokuratura xodimi deb tahmin qilingan shaxs ayolga kuch ishlatgani haqida videoxabar chiqarilgan. Unda ko`rsatilgan holat Bosh prokuratura tomonidan o`rganib chiqilmoqda. Natijasi haqida xabar qilinadi",—deyiladi Shamsutdinov xabarida.
