Ma`lum bo`lishicha, Sirdaryo viloyati “Ulug`bek” mahallasi “Shafoat” ko`chasida yashovchi Shorasul va Sunnat yog`och ustunlarni bo`lisholmay o`zaro janjallashib qolishadi.
Yuzaga kelgan bu kelishmovchilik mahalladoshlar orasida uzoq vaqt davom etadi.
Kunlarning birida galdagi tortishuvida jahlni o`z vaqtida jilovlay olmagan Shorasul Sunnatning o`ng oyog`iga oshxona pichog`i bilan tan jarohat etkazadi. Otaga hamroh bo`lgan Sunnatning o`g`li Zuhriddin qo`lidagi temir quvur bilan Shorasulning bosh miya qismiga qasddan uradi. Oqibatda, Shorasul bosh miya ochiq tan jarohati bilan jonlantirish bo`limiga yotqiziladi. Shifokorlarning ko`rsatilgan tibbiy muolajalarga qaramay, u jonlantirish bo`limida vafot etadi.
Mazkur holat yuzasidan hozirda tergov jarayonlari davom etmoqda.
