«Uzbekistan Airports»ning xabar berishicha, 2021 yil 20 oktyabrdan 20 noyabrgacha Samarqand xalqaro aeroporti yangi aerodrom majmuasini ishga tushirishga tayyorgarlik ishlari munosabati bilan parvozlarni vaqtincha to`xtatadi.
Xabarda aytilishicha, barcha reyslar respublikaning boshqa xalqaro aeroportlari - "Navoiy", "Buxoro", "Qarshi"ga yo`naltiriladi, bu erdan yo`lovchilar uchun Samarqandga er usti transferi tashkil etiladi.
Ayni paytda uzunligi 3105 metr, kengligi 60 metr bo`lgan yangi uchish -qo`nish yo`lagining qurilishi to`liq yakunlandi. Bir oy ichida taksi yo`llarini yangi uchish - qo`nish yo`lagi va apron bilan bog`lash bo`yicha ishlar olib borilishi kerak.
Eslatib o`tamiz, 2022 yilda bo`lib o`tadigan ShHT sammitiga tayyorgarlik doirasida Samarqandda yangi aerodrom majmuasi qurilishi davom etmoqda.
