Bugungi videoselektor yig`ilishining kun tartibidagi ikkinchi masala – shaharlar, tuman markazlari hamda aholi punktlarida ekologik vaziyat va havo tozaligini yaxshilash maqsadida, “Yashil makon” umummilliy loyihasini puxta tayyorgarlik ko`rgan holda boshlash masalasi bo`ldi.
“Darakchi” muxbiri Sardorbek Rahmonqulovning ma`lum qilishicha, mazkur loyiha doirasida yiliga 200 million tup daraxt va buta ko`chatlarini ekish va shu orqali shaharlardagi yashil maydonlar amaldagi 8 foizdan 30 foizga oshiriladi.
Ekilgan daraxtlarga kim mas`ul bo`ladi?
“Amalda ushbu maydonlar egasi aniq bo`lmagani sababli daraxt ekilgani bilan, uni parvarishlash, sug`orish ishlari olib borilmayapti. Shuning uchun ushbu ekish ishlarini to`g`ri tashkil qilish uchun, birinchi navbatda mavjud va yangidan barpo etiladigan yashil maydonlar hududining egasi – tuman (shahar) hokimi qarori bilan belgilab beriladi. Biriktirilgan mas`ullar mavjud daraxtlarni parvarishlash bilan birga, ushbu hududni obod holda saqlash uchun ham javob beradi”, - dedi Shavkat Mirziyoev.
“Dolzarb 40 kunlik”
Bundan buyon, ekologiya, daraxt ekish va parvarishlash masalalariga shahar hokimining qurilish bo`yicha o`rinbosari mas`ul bo`ladi.
Bugundan boshlab 10 dekabrga qadar daraxt ekish bo`yicha “dolzarb 40 kunlik” e`lon qilinadi.
Mavzuga doir:
