Samarqand viloyatining Urgut tumanida yashоvchi ayolning uyiga tunda bosqinchi kirdi. U ayolning farzandlari ko`z-o`ngida unga tashlanib, tanasining turli qismlariga pichoq sanchadi. Bu haqda Zamon.uz ma`lum qildi.
— Pichoqni urib ketaverdi. Men yordam beringlar deb baqirganimda pichoqni og`zimga tiqib yirtmoqchi edi. Men qo`lim bilan pchoqni qaytarganim uchun yuzimga tekkan. Keyin qo`ltiqlarimga tekkan, ko`ksimga, orqamga tekkan. Bir qo`limni o`ziga 7 marta pichoq tekkan. Farzandlarim ko`rdi. Ular ham hozir qandaydir stress holatida — deydi jabrlanuvchi.
Jinoyat sodir etgan kun bosqinchi uydagi elektr energiyasini uzib qo`yadi. Ayol chiroq o`chgani bois bolalari bilan hovliga chiqadi. Jinoyatchi niqob taqib olgani uchun avvaliga ayol uni tanimaydi. Keyinroq erkakning hatti-harakatlaridan qo`shnisi ekanini gumon qiladi.
Jabrlanuvchining taxmini to`g`ri chiqdi:
— Bunga men yomonlik qilmagandim. Meni aybim nima edi, nima haqqi bor edi bolalarimni bunday qilishga?
Toyloq tumani sudida 42 yoshli bosqinchining jinoyat ishi ko`rib chiqildi. U o'zi sodir etgan jinoyat haqida quyidagicha guvohlik berdi:
— Pichoqni urgan vaqtimni bilaman. Undan keyin nima bo`lganini bilmayman. Keyin uyga borganimdan keyin qonni ko`rib o`zimni bilmay qoldim.
Fuqaroning jinoyatiga spirtli ichimlik sabab bo`lgan.
Fuqaroga sud tomonidan 16 yilu 6 oy muddatli qamoq jazosi tayinlandi.
