Bugun, 18 noyabr kuni transport va logistika masalalari bo`yicha o`zbek turkman ishchi guruhining uchrashuvi bo`lib o`tdi. Bu haqda Transport vazirligi ma`lum qildi.
O`zbekiston Respublikasi Transport vaziri o`rinbosari A. Mo`minov va «Turkmaniston temir yo`llari» agentligi raisi A. Atamuradov, shuningdek, ikki mamlakatning avtomobil, temir yo`l, aviasiya tizimi hamda tegishli idora va tashkilotlar vakillari ishtirokida videokonferensiya aloqa shaklida o`tkazilgan uchrashuvda transport sohasidagi hamkorlik aloqalarini rivojlanish istiqbollari muhokama etildi.
Xususan, koronavirus pandemiyasi sabab amaliyotga joriy etilgan cheklov choralari natijasida yopilgan “Xo`jayli – Kunya-Urgench”, “Shovot – Dashoguz” o`tkazish punktlari ish faoliyatini sanitariya-epidemiologiya tadbirlariga qat`iy rioya etgan holda qayta tiklash masalasi ko`rib chiqildi.
