Jahon sog`liqni saqlash tashkiloti (JSST) Omicron koronavirus shtammi haqida yangi bayonotida Pfizer vaksinasi yangi Omicron shtammiga moslashtirilishi kerakligini ma`lum qilindi.
AQShning Pfizer farmasevtika kompaniyasi yangi Omicron shtammi amaldagi vaksinaga chidamliligi aniqlanishi bilanoq, 100 kun ichida COVID-19 vaksinasining yangilangan versiyasini ishlab chiqarishi va tarqatishi mumkinligini aytdi.
Shuningdek, Moldova birinchi marta "Moderna" vaksina partiyasini qabul qildi.
Mamlakat COVAX platformasi orqali Moderna tomonidan ishlab chiqarilgan 50 400 doza Spikevax vaksinasini oldi, deya xabar beradi O`zbekiston Respublikasi Innovasion rivojlanish vazirligi huzuridagi Ilmiy-texnik axborot markazi Moldova Respublikasi Sog`liqni saqlash vazirligi matbuot xizmatiga tayanib.
