Xitoylik olimlar aniqlagan ushbu antitanacha COVID-19 ning barcha shtammlarining ta`sirini neytrallashtira oladi. Ria Novosti xabariga ko`ra, bu haqda bioRxiv elektron kutubxonasida e`lon qilingan ma`lumotlarda qayd etilgan.
Olimlarning ta`kidlashicha, 35B5 antitanachasi «Omikron» shtammini ham zararsizlantirishga qodir.
Ushbu antitanacha koronavirusning og`ir shaklini boshdan o`tkazgan bemorlarning qon namunalarini o`rganish jarayonida kashf qilindi. Olimlar antitanachalarni ishlab chiqaruvchi hujayralarni qon namunasidan ajratib olib, koronavirusning turli qismlariga ta`sirini kuzatishgan.
Qayd etilishicha, ushbu 35B5 antitanachasi universal vaksina yaratish uchun asos bo`lib xizmat qilishi mumkin.
