Хитойлик олимлар аниқлаган ушбу антитанача COVID-19 нинг барча штаммларининг таъсирини нейтраллаштира олади. Риа Новости хабарига кўра, бу ҳақда bioRxiv электрон кутубхонасида эълон қилинган маълумотларда қайд этилган.
Олимларнинг таъкидлашича, 35B5 антитаначаси «Омикрон» штаммини ҳам зарарсизлантиришга қодир.
Ушбу антитанача коронавируснинг оғир шаклини бошдан ўтказган беморларнинг қон намуналарини ўрганиш жараёнида кашф қилинди. Олимлар антитаначаларни ишлаб чиқарувчи ҳужайраларни қон намунасидан ажратиб олиб, коронавируснинг турли қисмларига таъсирини кузатишган.
Қайд этилишича, ушбу 35B5 антитаначаси универсал вакцина яратиш учун асос бўлиб хизмат қилиши мумкин.
