Oliy Majlis Qonunchilik palatasi Spikerining o`rinbosari Odiljon Tojiev ma`lum qilishicha, O`zbekiston Respublikasi Prezidentining “Davlat organlari va tashkilotlarining faoliyati ochiqligini ta`minlash, shuningdek, jamoatchilik nazoratini samarali amalga oshirishga doir qo`shimcha chora-tadbirlar to`g`risida” 2021 yil 16 iyundagi Farmoniga asosan 1 dekabrdan boshlab Qonunchilik palatasi majlislarini jonli efirga uzatish ko`zda tutilgan edi.
Shunga asosan, ertaga - 3 dekabr kuni bo`lib o`tadigan yalpi majlisimizni UzReport telekanali va YouTube sahifamiz orqali jonli, real vaqt rejimida translyasiya qilishni rejalashtirilgan.
