Rossiya Federasiyasining yirik ish beruvchilaridan biri atom energetikasi, sanoat, turar-joy qurilishi ob`ektlarida ishlash istagida bo`lgan fuqarolarni ishga taklif etmoqda. Bu haqda Tashqi mehnat migrasiyasi agentligi xabar berdi.
Bo`sh ish o`rinlari:
- metall konstruksiyalar va armaturani payvandlash;
- po`lat konstruksiyalarni o`rnatuvchi montajchi.
Ish joyi: Bangladesh Respublikasi, “Ruppur” atom elektr stansiyasining qurilish loyihasi.
Ish grafigi: 6/1 kunlik ish haftasi, bir smenada 12 soat ish vaqti.
Oylik maoshi (ish hajmi va soati qarab):
- issiqlik va mexanik o`rnatish profilining asosiy ishchilari uchun 110-120 ming Bangladesh takasi (1250-1400 AQSh dollari);
- umumiy qurilish ishchilari uchun 90-100 ming Bangladesh takasi (1050-1150 AQSh dollari);
- qurilish-montaj ishlari uchun 120-130 ming Bangladesh takasi (1400-1500 AQSh dollari).
Talablar:
- 18-50 yoshgacha bo`lishi;
- sudlanmagan bo`lishi;
- xorijga chiqish pasporti bo`lishi;
- kasbiy malaka sertifikati mavjudligi;
- 4-malaka toifasi va undan yuqori bo`lgan payvandchi kasbi bo`yicha kamida 1 yil ish tajribasi (ish tajribasi rasman tasdiqlangan bo`lishi kerak) ega bo`lishi;
- balandlikda ishlash uchun guvohnoma;
- rus tilini mukammal darajada bilish talab etiladi.
Ta`kidlanishicha, transport, yashash, hujjatlarni rasmiylashtirish bilan bog`liq xarajatlar ish beruvchi tomonidan qoplanadi.
