2021 yil 12 dekabr kuni brakonerlar tomonidan Qoraqalpog`iston Respublikasi Qo`ng`irotko`l ovul fuqarolar yig`ini atrofidagi cho`l hududida 14 ta kiyik otib o`ldirilib, go`shti bo`laklangani haqida xabar berilgan edi.
Respublika Bosh prokurori matbuot kotibining ma`lum qilishicha, brakonerlar 14 bosh jayron va 5 dona yovvoyi quyonlarni ovlaganligi holati yuzasidan o`tkazilgan tekshirishda O`zbekiston Respublikasi hayvonot dunyosiga 190 mln. 350 ming so`mlik juda ko`p miqdordagi moddiy zarar etkazilganligi aniqlangan.
Mazkur holat yuzasidan to`rt nafar shaxsga nisbatan Jinoyat kodeksining 202-moddasi 3-qismi “e” va “j” bandlari (Hayvonot yoki o`simlik dunyosidan foydalanish tartibini buzish) bilan jinoyat ishi qo`zg`atildi.
Tergov harakatlari olib borilmoqda.
