Kuni kecha Oliy Majlisning Inson huquqlari bo`yicha vakilining navbatdagi fuqarolar qabuli bo`lib o`tdi.
Ombudsman axborot xizmati xabariga ko`ra, 100 nafarga yaqin fuqaro ishtirok etgan qabul davomida uy-joy, bandlik, ijtimoiy yordam, firibgarlik, sud-huquq, kredit va boshqa masalalar yuzasidan murojaatlar kelib tushgan.
Yakunda ularning barchasi nazoratga olingan. Qayd etilishicha, ba`zi murojaatlar bo`yicha fuqarolarga tegishli huquqiy maslahat va tushuntirishlar ham berilgan.
"Qabul davomida kelib tushgan murojaatlarning barchasi Ombudsman nazoratiga olinib, ularni o`rganish va inson huquqlarini ta`minlash buyicha ishga kirishildi. Joyiga chiqib o`rganish talab etiladigan murojaatlar Oliy Majlisning Inson huquqlari bo`yicha vakilining (ombudsmanning) xududlardagi mintaqaviy vakillariga yuborildi"-deyiladi xabarda.
