2021 yil 26 dekabr kuni soat 18:00 larda, Chust tumani Zarafshon MFY hududida, Chust tumanida yashovchi, 1985 yilda tug`ilgan fuqaro VAZ-2103 rusumli avtomashinasini hech qanday hujjatlarsiz boshqarib borayotib, harakat xavfsizligini ta`minlay olmay, yo`lni kesib o`tayotgan piyoda, Chust tumanida yashagan, 2002 yilda tug`ilgan ayolni urib yuborgan. Bu haqda Namangan viloyati IIB Axborot xizmati xabar berdi.
Natijada, piyoda olgan tan jarohati oqibatida shifoxonada vafot etgan.
Ushbu holat bo`yicha Chust tuman IIB huzuridagi TB tomonidan 2021 yil 26 dekabr kuni O`z.R JKning 266-moddasi 2-qismi bilan jinoyat ishi qo`zg`atilgan.
