Qozog`iston bosh prokuraturasi vakili Serik Shalabaev mamlakatda yuz bergan tartibsizliklar davomida 4,5 mingdan ziyod kishi jabrlangan, halok bo`lganlarning soni 225 kishini tashkil qilganini ma`lum qildi.
“Bugungi vaqtga kelib Qozog`istondagi tartibsizliklarda jami 4578 kishi jarohatlangan. Ulardan 3393 nafari xavfsizlik xodimlaridir. Tartibsizliklar oqibatida 225 kishi, jumladan, 19 nafar xavfsizlik xizmati xodimi halok bo`ldi”, - dedi Shalabaev.
Avvalroq Qozog`iston prezidenti Qosim Jomart-Toqaev huquq-tartibot idoralari bilan uchrashuvi vaqtida tartibsizliklar paytida tinch aholi vakillaridan qurbon bo`lganlarning aniq sonini aniqlash bo`yicha topshiriq bergan edi.
