Bugun O`zbekiston Respublikasi bilan Fransiya Respublikasi o`rtasida diplomatik munosabatlar o`rnatilganiga 30 yil to`ldi. Bu haqda Tashqi ishlar vazirligi rasmiy vakili axborot berdi.
Fransiya O`zbekiston mustaqilligini 1992 yil 3 yanvarda tan oldi, 1992 yil 1 martda esa ikki davlat o`rtasida protokol imzolanib, diplomatik munosabatlar o`rnatilgan.
Diplomatik munosabatlarning 30 yilligi munosabati bilan Parij shahridagi Luvr muzeyida “Markaziy Osiyo ulug`vorligi. O`zbekiston karvon yo`llarida” nomli ko`rgazma tashkil etish masalasi ishlab chiqilmoqda. Ko`rgazma doirasida O`zbekistonning qadimiy tarixiga oid buyumlar namoyish etiladi.
