Joriy yilning 8 may kuni Qashqadaryo viloyatida 3 yoshli bolaning chap qo`li ehtiyotsizlik sabab go`sht maydalagich ichiga kirib qolgani xabar bergan edik.
“Nasafnews”ning aniqlik kiritishicha, bola 3 yosh emas, endigina 2 yoshla to`ladi. Ular viloyatning G`uzor tumanida istiqomat qilishadi. Ma`lum bo`lishicha, bolaning otasi ayni vaqtda boshqa davlatda. Ona esa turmush o`rtog`iga bo`lgan voqeani bildirmagan.
Hozirda bolakay Qarshi shahridagi shoshilinch tez tibbiy yordam markazida davolanayotgani aytilmoqda.
Shifokorning so`zlariga ko`ra, go`dak kasalxonaga olib kelinganida uning chap qo`lida katta hajmda ezilib, yirtilgan jarohat bo`lgan. Shuningdek, bilak, tirsak va kaft suyaklarining sinishi qayd etilgan. Tibbiyot xodimlari tomonidan jarohatga birlamchi ishlov berilgan hamda mahalliy plastik operasiyalari o`tkazilgan.
