Жорий йилнинг 8 май куни Қашқадарё вилоятида 3 ёшли боланинг чап қўли эҳтиётсизлик сабаб гўшт майдалагич ичига кириб қолгани хабар берган эдик.
“Nasafnews”нинг аниқлик киритишича, бола 3 ёш эмас, эндигина 2 ёшга тўлади. Улар вилоятнинг Ғузор туманида истиқомат қилишади. Маълум бўлишича, боланинг отаси айни вақтда бошқа давлатда. Она эса турмуш ўртоғига бўлган воқеани билдирмаган.
Ҳозирда болакай Қарши шаҳридаги шошилинч тез тиббий ёрдам марказида даволанаётгани айтилмоқда.
Шифокорнинг сўзларига кўра, гўдак касалхонага олиб келинганида унинг чап қўлида катта ҳажмда эзилиб, йиртилган жароҳат бўлган. Шунингдек, билак, тирсак ва кафт суякларининг синиши қайд этилган. Тиббиёт ходимлари томонидан жароҳатга бирламчи ишлов берилган ҳамда маҳаллий пластик операциялари ўтказилган.
