2022 yilning 22 may kuni Toshkentda Uzexpocenter va Intercontinental ko`rgazmalar majmuasining hududida triatlon bo`yicha O`zbekiston ochiq chempionati bo`lib o`tadi.
Shu sababli, 22 may kuni soat 6:00 dan 13:00 gacha qadar bir necha yo`nalishlardagi yo`l qismlari yopiladi. Bu haqda poytaxt hokimligi matbuot xizmati xabar qilmoqda.
Unga ko`ra:
• Kichik xalqa avtomobil yo`li — Bo`zsuv ko`prigidan (mo`ljal: Minor masjidi va Malika) Chingiz Aytmatov ko`chasi bilan kesishmagacha.
• Sharof Rashidov shoh ko`chasi — Xalqaro biznes markazidan Osiyo ko`chasi bilan kesishmagacha bo`lgan yo`llar yopiladi.
"Noqulayliklar uchun uzr so`raymiz va haydovchilarga aylanma yo`llardan foydalanishni tavsiya qilamiz", - deyiladi hokimlik xabarida.
Eslatib o`tamiz, sal avval "Samarqand darvoza" savdo majmuasi atrofida ham yo`llar ma`lum muddatga yopilishi xabar qilingan edi.
