2022 йилнинг 22 май куни Тошкентда Uzexpocenter ва Intercontinental кўргазмалар мажмуасининг ҳудудида триатлон бўйича Ўзбекистон очиқ чемпионати бўлиб ўтади.
Шу сабабли, 22 май куни соат 6:00 дан 13:00 гача қадар бир неча йўналишлардаги йўл қисмлари ёпилади. Бу ҳақда пойтахт ҳокимлиги матбуот хизмати хабар қилмоқда.
Унга кўра:
• Кичик халқа автомобиль йўли — Бўзсув кўпригидан (мўлжал: Минор масжиди ва Малика) Чингиз Айтматов кўчаси билан кесишмагача.
• Шароф Рашидов шоҳ кўчаси — Халқаро бизнес марказидан Осиё кўчаси билан кесишмагача бўлган йўллар ёпилади.
"Ноқулайликлар учун узр сўраймиз ва ҳайдовчиларга айланма йўллардан фойдаланишни тавсия қиламиз", - дейилади ҳокимлик хабарида.
Эслатиб ўтамиз, сал аввал "Самарқанд дарвоза" савдо мажмуаси атрофида ҳам йўллар маълум муддатга ёпилиши хабар қилинган эди.
