“Tolibon” BAA bilan aeroportlarni boshqarish bo`yicha kelishuvga erishdi. Bu haqda zamon.uz “TASS” tayanib xabar berdi.
Gap Afg`onistonning to`rt aeroporti haqida ketmoqda. Kelishuv bosh vazir o`rinbosari Mulla Abdulg`ani Barodarning BAAga tashrifi vaqtida imzolangan. Unga ko`ra, Abu-Dabi Kobul, Qandahor, Hirot va Mozori-Sharif aeroportlarini boshqarishda yordam beradi.
Bundan oldin toliblar shu masalada Turkiya va Qatar bilan muzokara o`tkazgan. Ammo tomonlar moliyaviy va yuridik masalada kelisha olmagan.
Avvalroq O`zbekiston mutaxassislari Mozori-Sharif aeroportini ta`minlashda ishtirok etayotgani haqida xabar berilgandi.