Davlatimiz rahbarining “Tabiiy gaz nazorati va hisobining avtomatlashtirilgan tizimini joriy etish loyihasini amalga oshirishga doir qo`shimcha chora-tadbirlar to`g`risida”gi Qaroriga muvofiq, Qoraqalpog`iston Respublikasida “aqlli” gaz hisoblagichlarni o`rnatish ishlari izchil amalga oshirilmoqda. Bu haqda Energetika vazirligi Matbuot xizmati xabar qildi.
Qarorga asosan, respublika aholi xonadonlariga 241 592 dona “aqlli” gaz hisoblagich o`rnatilishi rejalashtirilgan bo`lib, bugungi kunga qadar 210 538 dona (87,1%) hisoblagich o`rnatildi. Xususan:
- Nukus shahri — 91,2%,
- Taxiatosh tumani — 82,3%,
- Xo`jayli tumani — 97,8%,
- Shumanay tumani — 104,3%,
- Qonliko`l tumani — 108,3%,
- Qo`ng`irot tumani — 74,1%,
- Mo`ynoq tumani — 106,7%,
- Nukus tumani — 113,5%,
- Kegeyli tumani — 92,1%,
- Chimboy tumani — 77,6%,
- Qorao`zak tumani — 106,1%,
-Taxtako`pir tumani — 97,1%,
- Amudaryo tumani — 68%,
- Beruniy tumani — 69,7%,
- To`trko`l tumani — 71%,
- Ellikqal`a tumani — 90,5%,
- Bo`zatov tumani — 106,5% zamonaviy tabiiy gaz hisoblagich o`rnatib bo`lindi.
Respublika bo`yicha gaz hisoblagichlarini o`rnatish ishlari joriy yilning noyabr oyiga qadar yakunlanadi.
