Ijtimoiy tarmoqlar orqali ayrim avtomobillarga gaz quyish shaxobchalari tomonidan metan gazi narxlari oshganligi yuzasidan xabarlar tarqaldi.
Ma`lumot uchun:
O`zbekiston Respublikasi Vazirlar Mahkamasining 2022 yil 14 iyuldagi 387-sonli qaroriga muvofiq yuridik shaxslar uchun tabiiy gaz va elektroenergiya uchun tariflar oshirilishi vaqtinchalik to`xtatilgan.
O`zbekiston Respublikasi Monopoliyaga qarshi kurashish qo`mitasi tomonidan ayrim avtomobillarga gaz quyish shaxobchalari tomonidan metan gazi narxlarini oshirilganligi yuzasidan tezkor o`rganish ishlari amalga oshirildi.
O`rganish natijalari bo`yicha Qoraqalpog`iston Respublikasi, viloyatlar va Toshkent shahrida joylashgan avtomobillarga gaz quyish shaxobchalari tomonidan bugungi kunda 1 kub m metan gazining narxi barqaror ravishda o`rtacha 2300 so`mdan 2800 so`mgacha sotilayotganligi ma`lum bo`ldi.
O`z navbatida, Monopoliyaga qarshi kurashish qo`mitasi tomonidan metan gaz narxlari doimiy monitoring qilib borilayotganligi va avtomobillarga gaz quyish shaxobchalari metan gazi narxlarini sun`iy ravishda oshirgan taqdirda belgilangan tartibda tegishli chora ko`rilishi ma`lum qilinadi.
