Moskva janubidagi Olma-Atinskaya ko`chasida joylashgan yotoqxonada sodir bo`lgan yong`inda halok bo`lgan sakkiz kishining barchasi mehnat muhojirlari, deb yozadi “TASS” favqulodda xizmatlardagi manbaga tayanib.
“Xosteldagi yong`inda halok bo`lganlarning barchasi muhojirlar edi. Ularning fuqaroligi aniqlanmoqda”, — deyiladi xabarda.
Shuningdek, yotoqxonada yashovchi yana to`rt kishi shifoxonaga tushgan. Undan oldin uchta qurbon haqida xabar berilgan.
Yong`in joyiga Rossiya Favqulodda vaziyatlar vazirligi markaziy apparati komissiyasi etib kelgan. Dastlabki ma`lumotlarga ko`ra, yong`inga elektr simlaridagi nosozlik sabab bo`lishi mumkin. Bundan tashqari, yong`inda halok bo`lgan sakkiz kishining o`lim holatiga derazalarga o`rnatilgan panjaralardan chiqolmagani va o`t o`chiruvchilarga kech xabar qilinganligi bilan bog`liq bo`lishi mumkin.
Xosteldagi yong`in fakti bo`yicha jinoiy ish qo`zg`atildi.
