Rim papasi Fransisk 13-15 sentyabr kunlari davlat tashrifi bilan Qozog`istonga keladi, deb xabar berdi Qozog`iston rahbari matbuot xizmati.
“Prezident Qosim-Jomart Toqaevning taklifiga binoan Rim papasi Fransisk 2022 yil 13-15 sentyabr kunlari davlat tashrifi bilan Qozog`istonda bo`ladi”, — deyiladi xabarda.
Tashrif doirasida mamlakat oliy rahbariyati bilan uchrashuvlar o`tkazish, shuningdek, Jahon va an`anaviy dinlar etakchilarining VII qurultoyida ishtirok etish rejalashtirilgan. Avvalroq, qurultoyning asosiy mavzusi pandemiyadan keyingi davrda insoniyatning ma`naviy-ijtimoiy taraqqiyotida diniy etakchilarning roli bo`lishi haqida xabar berilgan edi.
