O`zbekiston Respublikasi Prezidenti O`zbekiston Respublikasi Konstitusiyaviy sudining vakolatlari joriy yil 24 avgust kuni tugayotgan 6 nafar sudyasining o`rniga nomzodlar yuzasidan Oliy Majlis Senatiga taqdimnomalar kiritdi.
Ushbu nomzodlar:
- Balkibaeva Janagul Ismaylovna;
- Gafurov Askarjon Boyisovich;
- Davletova Karomatjon Xudaybergenovna;
- Ismaylov Raxat Aminbaevich;
- Raximov Abdumannob Kuzievich;
- Raxmanov Akmal Ergashevich.
Ular Senat tomonidan saylangan taqdirda, o`z vakolatlariga 24 avgust kunidan boshlab kirishadilar.
Bundan tashqari, Prezident o`z taqdimnomasi bilan Konstitusiyaviy sud sudyasi vakant lavozimiga O`zbekiston Respublikasi Oliy sudi raisi lavozimini egallab kelgan Kamilov Kozimdjan Fazilovichning nomzodini taklif etdi.
Shuningdek, davlatimiz rahbari o`z taqdimnomasi bilan Prezidentning huquqni muhofaza qiluvchi va nazorat organlari faoliyatini muvofiqlashtirish masalalari bo`yicha maslahatchisi Islamov Baxtiyor Djaxangirovichning nomzodini O`zbekiston Respublikasi Oliy sudi raisi lavozimiga ko`rib chiqish uchun Senatga kiritdi.
