So`nggi vaqtlarda turli sabablar daraxtlarga ozor etkazish "odat"ga aylandi. Biroq bunday davomiy harakatlar bilan yashil tabiatni yo`q qilishga urinish alal oqibat haqiqiy ma`noda qurg`oqchilikka olib kelishi mumkin. Bunga yo`l qo`yganlar esa jazoga tortilish muqarrar.
Xususan, sal avval Toshkentda daraxtlar shikastlanishi ortidan Chilonzor tumani hokimi va prokurori ishdan olingandi, shu jumladan, Toshkent shahar hokimi va prokurori jazoga tortilgandi.
Shuningdek, “Yashil makon” umummilliy loyihasi doirasida amalga oshirilgan ishlardagi kamchiliklar bois Davlat ekologiya qo`mitasi markaziy apparatining uch nafar mas`ul xodimlariga, “Yashil makon” umummilliy loyihasiga bevosita mas`ul bo`lgan uch nafar hududiy boshqarma boshliqlarining birinchi o`rinbosarlariga “hayfsan” intizomiy choralari qo`llanilganini ham xabar bergan edik.
Ammo bugun, 11 avgust kuni yana daraxtlarga zarar etkazish bilan bog`liq holat yuz bergani aytilgan xabar tarqaldi.
Ijtimoiy tarmoqlarda sizdirilgan xabarda Yakkasaroy tumanidagi Shota Rustaveli ko`chasidagi 28-uyning oldidagi daraxtlar ildizi jabr ko`rgani aytilgan.
Yakkasaroy tuman hokimligi ma`lumotiga ko`ra, holat bo`yicha bugun hokim Anvar Sayfutdinov, Ekologiya davlat qo`mitasi, tuman ekalogiya bo`limi, mas`ul tashkilot rahbarlari ishtirokida fuqarolar, jurnalist, blogerlar bilan uchrashuv bo`lib o`tdi.
"Unda hududdagi eman daraxti o`tkan yilda quriganligi bo`yicha ekalogiya bo`limi tomonidan o`rganishlar olib borilgan bo`lib, ekalogiya bo`limi tomonidan quriganligi tasdiqlanib, kesishga xulosasi berilgan",-deyiladi xabarda.
Ma`lum qilinishicha, holat tuman hokimining shaxsan nazoratiga olingan, mas`ullarga daraxtlar tagiga kerakli ozuqa tuproqlari solinib, tuman obodonlashtirish va tuman ekalogiya bo`limiga nazoratga olish bo`yicha aniq topshiriqlar berib o`tilgan.
