Oqibatda "Lacetti" rusumli avtomobil haydovchisi shifoxonada vafot etgan.
Ma`lumotga ko`ra, 10 avgust kuni soat 10:30 larda Qoraqalpog`iston Respublikasi, Ellikqal`a tumani hududidan o`tuvchi avtomobil yo`lining 10-kilometrida haydovchi Z.Yu. "Lacetti" rusumli avtomobilni boshqarayotib, ehtiyotsizligi oqibatida qarama-qarshi yo`nalishga chiqib ketgan va YPX xodimi, 1981 yilda tug`ilgan N.A.ga biriktirilgan "Nexia-3" rusumli xizmat avtomobili bilan to`qnashgan.
Qayd etilishicha, "Lacetti" rusumli avtomobilni boshqargan shaxs avtotransport boshqarish huquqiga ega bo`lmagan.
Hodisa natijasida, "Lacetti" rusumli avtomobil haydovchisi Z.Yu. olgan tan jarohatlari tufayli shifoxonada vafot etgan. Shuningdek, YPX xodimi N.A. tan jarohati olib shifoxonaga yotqizilgan.
"Mazkur YTH yuzasidan Ellikqal`a tumani IIB huzuridagi TB tomonidan surishtiruv harakatlari olib borilmoqda. Barcha haydovchilardan belgilangan qoidalarga rioya qilishlarini so`raymiz",-deyiladi xabarda.
