Shayxontohur tumanida fuqaroning uyali aloqa vositalarini xarid qilib, evaziga qalbaki AQSh dollari bergan shaxs ushlandi

Bosh prokuratura huzuridagi Departamentning Shayxontohur tuman bo`limi tomonidan o`tkazilgan tergovga qadar tekshiruvda, fuqaro Yu.Yu. (muqaddam o`g`irlik jinoyati uchun sudlangan) qalbaki valyutalarni o`tkazish maqsadida fuqaro S.ning ishonchiga kirib, unga tegishli 2 dona “Iphone 13 pro max” rusumli uyali aloqa vositasini 2 550 AQSh dollariga sotib olishga kelishib, evaziga unga jami 51 dona 50 AQSh dollarlik qalbaki kupyuralarni berib ketganligi aniqlangan.

Mazkur holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog`ozlar yasash, ularni o`tkazish) bilan jinoyat ishi qo`zg`atilib, tergov harakatlari o`tkazilmoqda.