KXDR Xitoy bilan temiryo`l orqali yuk tashishni qayta tikladi. Bu haqda "Zamon.uz" Reuters`ga tayanib xabar bermoqda.
Janubiy Koreya birlashuv vazirligining ma`lum qilishicha, Xitoyning Dandun hududidan Shimoliy Koreyadagi Sinuiju shahriga yuk poezdi kelgan. Joriy yilning 29 aprelida temiryo`l qatnovlari butunlay to`xtatib qo`yilgandi. Bunga chegara hududlarida COVID-19 bilan kasallanish avj olib ketgani sabab bo`lgan.
Ekspertlar temiryo`l orqali yuk tashishning to`xtab qolishi KXDRda oziq-ovqat ta`minoti bilan bog`liq vaziyatni yomonlashishiga olib kelishini ta`kidlagan.
Janubiy Koreya birlashuv vazirligi yuk ortilgan poezdlar qatnovi 26 sentyabrda tiklanganini qayd etgan.
