КХДР Хитой билан темирйўл орқали юк ташишни қайта тиклади. Бу ҳақда "Zamon.uz" Reuters`га таяниб хабар бермоқда.
Жанубий Корея бирлашув вазирлигининг маълум қилишича, Хитойнинг Даньдун ҳудудидан Шимолий Кореядаги Синуижу шаҳрига юк поезди келган. Жорий йилнинг 29 апрелида темирйўл қатновлари бутунлай тўхтатиб қўйилганди. Бунга чегара ҳудудларида COVID-19 билан касалланиш авж олиб кетгани сабаб бўлган.
Экспертлар темирйўл орқали юк ташишнинг тўхтаб қолиши КХДРда озиқ-овқат таъминоти билан боғлиқ вазиятни ёмонлашишига олиб келишини таъкидлаган.
Жанубий Корея бирлашув вазирлиги юк ортилган поездлар қатнови 26 сентябрда тикланганини қайд этган.
