AQSh noimmigrasion vizalar uchun 600 dan ziyod intervyu o`rinlarini tashkil etmoqda

AQShning O`zbekistondagi elchixonasi 28 sentyabr kuni, soat 18:00 dan boshlab noimmigrasion vizalar uchun 600 dan ziyod intervyu o`rinlarini tashkil etmoqda. 

Bu imkoniyat joriy yil noyabridan 2023-yil yanvariga qadar faqat O`zbekiston fuqarolari uchun beriladi. 

Ro`yxatdan o`tish uchun faqat onlayn murojaat qilish talab etilmoqda.

Elchixona ariza beruvchilarga o`z shaxsiga doir barcha ma`lumotlarni to`g`ri va aniq to`ldirishni eslatgan. 

Suhbatga yozilish uchun DS-160 formasini onlayn to`ldirish lozim.

Bu o`rinlar viza olishni osonlashtirmaydi va faqat sayohat, talabalik va boshqa noimmigrasion vizalar uchun mo`ljallangan, deyiladi xabarda.