Andijonda erkak "sevgan" ayolining shaxsiy videolarini tarqatib, sharmanda qildi

Jinoyat 30.09.2022, 14:12
Andijonda erkak "sevgan" ayolining shaxsiy videolarini tarqatib, sharmanda qildi

Andijon viloyati Andijon shahrida yashovchi fuqaro D.G. ariza bilan murojaat qilib uning boshqalar ko`rishi mumkin bo`lmagan videotasvirlari ijtimoiy tarmoqlarda tarqatilganligi va sharmanda bo`lganligini bildirgan. Bu haqda IIV Kiberxavfsizlik markazi ma`lum qildi.

Olib borilgan tadbirlar natijasida videotasvirlarni tarqatgan shaxs Qirg`iziston Respublikasida tug`ilgan, hozirda Andijon tumanida yashovchi P.A. ekanligi aniqlangan.

P.A. fuqaro D.A. bilan 2020 yilga qadar norasmiy yashab kelganligi hamda uning roziligisiz yaqin munosabatda bo`lgan vaqtida yashirin tarzda uni suratga olib tarqatib, sharmanda qilishini aytib, qo`rqitib doimiy uchrashib yurishni talab qilganligi ma`lum bo`ldi.  

P.A.ga nisbatan Ma`muriy javobgarlik to`g`risidagi kodeksining 46-1-moddasi  bilan ma`muriy huquqbuzarlikka oid hujjatlar rasmiylashtirilgan.

    

Sharhlar