Tashqi mehnat migrasiyasi agentligining Volgograd shahridagi vakilligiga 17 nafar yurtdoshimiz ish beruvchidan hujjatlari va ish haqlarini qaytarishda yordam so`rab murojaat qilgan.
Murojaatni o`rganish davomida ish beruvchi muzokara o`tkazishdan bosh tortdi. Shundan so`ng bu haqda Rossiya Federasiyasining Volgograddagi huquq-tartibot idoralariga xabar qilinib, bayonnomalar tuzildi.
Ma`lumot va ko`rsatmalar tuman milisiyasiga topshirilgandan keyin ish beruvchi fuqarolarga pasportlarini qaytarib berdi.
Fuqarolarning 425 ming rubl miqdoridagi ish haqini undirish uchun Rossiya Federasiyasi tergov qo`mitasiga murojaat qilindi.
