Tarixiy uchrashuv: Turkiya prezidenti Erdog`an Armaniston bosh vaziri Pashinyan bilan ko`rishadi

Bugun, 6 oktyabr kuni Armaniston bosh vaziri Nikol Pashinyan Pragada Evropa siyosiy hamjamiyati sammiti doirasida Turkiya prezidenti Rajab Toyib Erdo`g`on bilan uchrashish va Ozarbayjon prezidenti Ilhom Aliev bilan to`rt tomonlama formatda muzokaralar o`tkazish niyatida. Bu haqda Uzreport yozdi.

Bu Ozarbayjon va Armaniston rahbarlarining joriy yil sentyabr oyi o`rtalarida ikki davlat chegarasida to`qnashuvlar kuchayganidan keyingi ilk uchrashuvi bo`ladi. 

“Pragada to`rt tomonlama uchrashuv bo`lib o`tadi, unda Fransiya va Ozarbayjon Prezidentlari Emmanuel Makron va Ilhom Aliev, shuningdek, Evropa kengashi raisi Sharl Mishel ishtirok etadi. Shuningdek, Turkiya Prezidenti Rajab Toyib Erdo`g`an bilan ham uchrashuv rejalashtirilgan”, deydi Pashinyan. 

Ozarbayjon rahbari Armaniston bilan tinchlik shartnomasini ishlab chiqishni tezlashtirish zarurligini bir necha bor ta`kidlab, bunga tayyorligini bildirgan. Alievning aytishicha, Boku adovat va nafratga chek qo`yib, dunyoda yangi sahifa ochmoqchi. 

Shuningdek, u Armaniston bilan chegarani delimitasiya qilish jarayonini tezroq boshlash va bu yo`nalishda tarixiy hujjatlar va xaritalar hamda xalqaro tajriba asosida faol ish olib borish zarurligini ta`kidladi.