Samarqandda harbiy xizmatga jo`natish uchun fuqarolardan pul talab qilgan mansabdorlar jazoga tortildi

Jinoyat 23.08.2016, 12:41
Teglar: Sud
Samarqandda harbiy xizmatga jo`natish uchun fuqarolardan pul talab qilgan mansabdorlar jazoga tortildi

Jumladan, Samarqand viloyati Paxtachi tumani mudofaa ishlari bo`limida chaqiruv bo`linmasi boshlig`ining katta yordamchisi lavozimida ishlab kelgan Sh.Nazarov garchi harbiy xizmatga jo`natish vakolati bo`lmasa-da fuqarolarni muddatli harbiy xizmatga jo`natish uchun ulardan pul talab qilib kelgan. U O.Rizaqulovni harbiy xizmatga yuborish uchun uning otasi O.Rajabovdan 300 AQSh dollari, fuqaro I.Muxtorovdan uni muddatli harbiy xizmatga jo`natishini va`da qilib, 4 million 500 ming so`m pul olgan, deb yozadi "Zarafshon" gazetasi.

Xuddi shunday holat Urgut tumani mudofaa ishlari bo`limida ham qayd etilgan. Bo`limning chaqiruv bo`linmasi boshlig`ining katta yordamchisi Z.Rasulov garchi vakolat doirasiga kirmasa-da fuqaro N.Ahadovdan uning o`g`li M.Sharipovni muddatli harbiy xizmatga jo`natishni va`da qilib 5 million 165 ming so`m, fuqaro A.Boboqulovdan uning o`g`li M.Baxronovni harbiy xizmatga yuborishini aytib 1000 AQSh dollari miqdoridagi pullarni qo`lga kiritgan.

Mudofaa bo`limlari faoliyatida hujjatlarning qalbakilashtirilishi holatlari ham uchramoqda.  Jumladan, Bulung`ur tumani mudofaa ishlari bo`limi safarbarlik chaqiruv rezervi bo`linmasi boshlig`ining katta yordamchisi A.Mamatqulov xorijga chiqish huquqini beruvchi ma`lumotlarni qalbakilashtirib kelgan. Misol uchun, tuman mudofaa ishlari bo`limi hisobida chaqiriluvchi sifatida ro`yxatda turgan fuqarolar T.Nishonov, T.Xalilov va X.Norqulovlarga xorijga chiqish huquqini beruvchi ma`lumotnomalarni qalbakilashtirgan holda tayyorlab bergan. Tuman mudofaa ishlari bo`limi boshlig`i imzosini soxtalashtirgan va muhr qo`yilishi lozim bo`lgan hujjatlar orasida qalbaki ma`lumotlarni ham chalg`itish yo`li bilan muhrlattirgan. 

Mazkur holatlar yuzasidan aybdorlarga qonun doirasida jazo belgilandi.

Sharhlar

Toshkentda 100 nafar odamni aldab, 55 nafarini xorijga yuborgan jinoiy guruhga sud hukmi o`qildi (video)

30.11.2022, 21:19

Jinoyat ishlari bo`yicha Mirzo Ulug`bek tuman sudida 100 nafar jabrlanuvchini ishonchiga kirib, qariyb 550 million so`mni talon taroj qilgan 3 nafar sudlanuvchiga oid jinoyat ishi...
Nukus voqelari bo`yicha bo`lib o`tayotgan sudda asosiy aybdor Dauletmurat Tajimuratov Qur`oni Karimni keltirishni so`radi

28.11.2022, 12:43

Avval xabar qilganimizdek, bugun, 28 noyabr kuni Buxoro viloyat sudi binosida 2022 yil 1-2 iyul kunlari Nukus shahrida sodir etilgan ommaviy tartibsizliklarga doir jinoyat ishi...
Toshkentda ichimlik reklamasida behayo harakatlar qilganlar jarimaga tortildi (video)

27.10.2022, 19:44

Ijtimoiy tarmoqlarda ikki nafar qizning behayo harakatlari aks etgan video tarqalib ko`plab muhokamalarga sabab bo`lgan edi. Mazkur holat yuzasidan Bektemir tumani IIO FMB tomonidan Yu.B. hamda...
Toshkentda 18 yoshli qizni bo`g`ib o`ldirgan yigit 12 yilga qamaldi (video)

18.10.2022, 13:41

Jinoyat ishlari bo`yicha Shayxontohur tumani sudining ochiq sud majlisida qasddan odam o`ldirish jinoyatini sodir etganlikda ayblangan, 1999 yilda tug`ilgan jinoyatchi oid sud ishi ko`rib chiqildi,...
Ob-havo: Toshkent
Valyuta kursi
1