Norasida narxi 35 000 dollarmi? Toshkentda chaqaloq hali tug`ilib ulgurmasidan avval "tarozida tortildi" (video)

Jinoyat 18.11.2022, 00:02
Norasida narxi 35 000 dollarmi?  Toshkentda chaqaloq hali tug`ilib ulgurmasidan avval "tarozida tortildi" (video)

Ayol — kimlar uchundir xas, kim uchundir muqaddas bir timsol. Uni e`tibor, marhamat olovi ila yoqsang, butun dunyo taftidan yorishib ketadi. Ammo uning qalbiga qorong`ulik kirib borar ekan, u muzyorar toshga aylanishi hech gap emas. 

Ayni kunlar jamiyatda ayollar o`rtasida yuz berayotgan turli jinoiy vaziyatlar ortida ana shu oxiriga etib bo`lmas qorong`uliklar turgandek. Odatda shu tufayli biror hayratomus ish yuz berganda qiyinchilik, etishmovchilik, degan salbiy sifatlarga o`rab, dalil qilib ko`rsatiladi .

Bugun, 17 noyabr sanasida yuqoridagi so`zlarimizga ayni misol bo`la oladigan ayolga sud hukmi o`qildi. Jinoyat ishlari bo`yicha Bektemir tuman sudida 1994 yilda tug`ilgan ayolning chaqaloq savdosiga oid jinoyat ishi ko`rildi.

Eng achinarlisi, u 2 kunlik go`dagini sotmoqchi bo`lgan.

Xo`sh, bunga nima sabab bo`lgan edi? Kim uni bu qabixlikka undadi? 

Sudlanuvchining ammasi ko`rsatmasiga ko`ra, jinoyatchi buxorolik shaxs bilan ikkinchi turmushini quradi, u shar`iy nikohidagi ayolini homilador ekanini bilib, qaytib ketadi va o`sha erda boshqa insonga uylanib oladi.

Shu orada moddiy va ma`naviy qiyinchiliklar girdobida qolgan ayol 600 AQSh dollari miqdoridagi qarz ichida bosh changallab qoladi va norasidasi hali tug`ilib ulgurmay "savdolasha ketadi".

Bolani pullashga sabab ham ayni shu bo`lgan.

"2022 yilning aprel oyida homilam 7 oylik bo`lgan vaqtida Sirg`ali tumanida iste`qomat qiladigan ammamning uyida yashab kelayotgandim. O`sha erda tanishim bilan uchrashib qoldim. Uni bir necha yillardan beri bolali bo`lolmayotganligini bilganman. Shunda unga ko`chadan 600 AQSh dollari qarzim borligini, 600 AQSh dollarini bersa, hoziroq bolani kesercha kesish usulida tug`ib ularga berishimni aytdim. Tanishim bola 9 oylik bo`lib tug`ilishi kerakligini, hozirda puli yo`qligini ma`lum qildi. Oradan bir necha hafta o`tgandan so`ng, unga bir necha bor qo`ng`iroq qilib, pul kerakligini, 100-200 AQSh dollari berib turishini so`radim. U menga ishonmasligini, bu borada bir necha bor aldanganligini, bola unga kerakmasligini, hozir pul bermasligini aytdi. So`ng, tanishim menga qo`ng`iroq qilib, ko`rishishni so`radi, ko`rishdik. U menga notanish bo`lgan 2 ta ayollar bilan birga keldi. Ular bilan bola mavzusida gaplashdik. Bolani qanchaga sotishimni so`rashdi. Ularga boshida summasini aytmadim. Ular dangal gapirishimni, bolani sotgandan so`ng, qaytarib olmaslik uchun xohlagan summamni aytishimni so`rashdi. Ko`chadan qarzlarim borligini, o`sha qarzlarimni yopsam bo`lgani ekanini aytdim. Tanishim menga bolani sotishim evaziga uy olishim mumkinligini aytdi. Shunda, uyim yo`qligi uchun tanishimga 35.000 AQSh dollariga bolani sotishimni ma`lum qildim", — deydi sudlanuvchi.

Ma`lum bo`lishicha, 2022 yilning 15 iyun kuni u tanishiga qo`ng`iroq qilib, 8-sonli tug`ruqxonada ekanini, dardi boshlanganligini aytdim. Taxminan soat 14:00 larda o`g`il farzandli bo`ladi. 16 iyun kuni Z.ismli ayol yangi tug`ilgan chaqalog`iga tug`ilganlik to`g`risidagi guvoxnoma olib bergan.

"Ularga tug`ishimdan oldin tanishim shifokor mendan tug`dirgani uchun 200 AQSh dollar so`rayotganligini, o`sha beriladigan 35.000 AQSh dollaridan 200 AQSh dollarini olib kelib berishligini so`raganman. Shu bilan Z.ismli ayol bilan gaplashganimda ular 17 iyun kuni tug`ruqxonadan chiqqan vaqtimda shifokorga 200 AQSh dollarini berib yuborishini aytdi", — deydi u.

Qayd etilishicha, 17 iyun kuni tanishi bilan gaplashadi va bolani olib ketgani kelishini aytadi. Lekin pul masalasida aniq fikr etmaganligi uchun unga kelmasligini, bolani bermasligimni ta`kidlaydi. Tanishi ham “bo`ldi bola kerakmas”, deydi shunda. 

"So`ng oldimga Z.ismli ayol kelib chaqirdi. Tanishim jaxldaligini, 35.000 AQSh dollarini olib kelayotganini aytdi. So`ng oldimga tanishim kelib, jaxli chiqib ketganligini, fikridan qaytmasdan bolani berishimni so`radi. 35.000 AQSh dollarini uzatdi. Tanishim bergan 35.000 AQSh dollari pul mablag`larini o`z qo`lim bilan oldim. Ammo pullarni sanab olmadim. Tanishim so`raganligi uchun so`ragan mavzusida bolani qaytarib olmasligim to`g`risida o`z qo`lim bilan tilxat yozib berdim. Tanishimga 35.000 AQSh dollaridan 200 AQSh dollarini olib shifokorga tashlab chiqishini aytdim. Shunda 200 AQSh dollarini olib tug`ruqxonaning qabulxonasiga borib, shifokorga qo`ng`iroq qilganimda 200 AQSh dollarini qabulxonada o`tirgan qizga tashlab ketishimni aytdi. Shifokorga 200 AQSh dollar pullarni berishni mendan hech kim talab qilmagan va so`ramagan. Pulni o`z ixtiyorim bilan suyunchi tariqasida berish uchun borganman. Qaytib ko`chaga chiqdim. 35.000 AQSh dollaridan qolgan 34.800 AQSh dollarini solgan paketimni olib, tanishimga bolaga nimadur bo`lsa qo`ng`iroq qilishini aytib ketmoqchi bo`lgan vaqtimda oldimga bir necha notanish kishilar kelishdi. Guvoxnomalarini ochgan holda ko`rsatib, o`zligini Departament, IIV xodimlari va holislar deb tanishtirishdi", — deydi jinoyatchi.

Sudga oid kimyoviy ekspertizaning xulosasiga ko`ra, o`tkazilgan tadbir davomida sudlanuvchining o`ng va chap qo`l barmoqlaridan surtib olingan bint bo`laklari; yuzasidan surtib olingan bint bo`lagi; maxsus kukun surtilib pullarga ishlov berilgan bir dona oq rangli bint bo`lagidan topilgan kukun moddalarida – maxsus kimyoviy kukun moddasi borligi aniqlanib taqqoslash uchun yuborilgan maxsus kimyoviy kukun surtilgan bint bo`lagi stardart namunaga nurlanish rangi bilan turdosh;

1 dona 50 AQSh dollar kupyurasini ul`tra-binafsha nur ostida qorong`u xonada analitik chiroq yorug`ligida kuzatilganda, uning ikkala tomoniga (PORA) yozuvi yozilgan bo`lib, ular ular to`q sariq rangda tovlandi va standart-na`muna qog`oz bo`lagidagi “PORA” yozuvli qalam chiziqlari bilan bir biriga turdosh.

Sud hukmiga asosan sudlanuvchi Jinoyat kodeksining 135-moddasi 3-qismi "a" bandi bilan aybli deb topildi va unga JKning 57-moddasini qo`llab, 5 yil ozodlikdan mahrum qilish jazosi tayinlandi.

Shu o`rinda aytib o`tish lozimki, har bir inson, qay bir sabablar bilan bo`lsinki, qilgan aybi, jinoyati uchun jazo o`tashi shart va zarur. Biroq har bir ayol va qiz o`z tafakkuri hamda kelajagi ustida bosh qotirmas ekan buning qurboni tirik etim go`daklar bo`lib qolaveradi.

Sharhlar

Ob-havo: Toshkent
Valyuta kursi
1