Toshkent shahar hokimi vazifasini vaqtincha bajaruvchi Baxtiyor Rahmonov poytaxtning sobiq hokimi Jahongir Ortiqxo`jaevning Yashnobod tumani hokimiga nisbatan intizomiy jazo qo`llash haqidagi qarorini bekor qildi.
Toshkent shahri sobiq hokimi Jahongir Ortiqxo`jaevning Yashnobod tumani hokimi Baxtiyor Rahmankulovga nisbatan qo`llanilgan hayfsan intizomiy jazosichorasiga oid farmoyishi 2022 yil 4 noyabr kuni imzolangan edi.
Baxtiyor Rahmonov 28 fevral kuni Mehnat kodeksining 183-moddasiga asosan ushbu intizomiy jazoni bekor qilgan.
Mazkur moddaga ko`ra, intizomiy jazoning amal qilish muddati u qo`llanilgan kundan boshlab bir yildan oshmasligi kerak. Agar ushbu muddat davomida xodim yana jazoga tortilmasa, u intizomiy jazoga tortilmagan deb hisoblanadi.
Intizomiy jazo qo`llagan ish beruvchi uni yil tugagunga qadar o`z tashabbusi bilan, xodimning iltimosiga binoan, mehnat jamoasi yoki xodimning bevosita rahbarining iltimosiga binoan olib tashlashga haqli.
