Yozuvchi Elizabet Jan Kerroll AQShning sobiq prezidenti Donald Trampga qarshi ikkinchi bor sudga murojaat qildi. Ayol undan 10 million dollar to`lashni talab qilmoqda. Bu haqda zamon.uz xabar bermoqda.
Oy boshida Tramp yozuvchining da`vosiga ko`ra jinsiy zo`ravonlik va tuhmatda aybdor deb topilgan edi. Sud qaroriga ko`ra, sobiq prezident Kerrollga besh million dollar to`lashi kerak.
Hukm chiqarilgan kunning ertasiga Tramp jurnalistlarga bergan intervyusida da`vogarga nisbatan “xo`rlovchi gaplar” aytgan. Trampning so`zlariga ko`ra, u bu ayol bilan hech qachon uchrashmagan va Kerroll uning didiga mos kelmaydi. Shuning uchun jinsiy zo`ravonlik qilishi mumkin emas.
Natijada Kerroll yana AQShning sobiq prezidentini haqorat deb bilgan bu so`zlari uchun sudga berishga qaror qildi.
Avvalroq Tramp yozuvchi Elizabet Kerrollga nisbatan tazyiqlar bo`yicha hakamlar hay`ati hukmidan so`ng uning reytingi oshganini aytgan edi.
