Ёзувчи Элизабет Жан Керролл Трампдан яна пул талаб қилмоқда

ДУНЁ 24.05.2023, 19:06
Ёзувчи Элизабет Жан Керролл Трампдан яна пул талаб қилмоқда

Ёзувчи Элизабет Жан Кэрролл АҚШнинг собиқ президенти Дональд Трампга қарши иккинчи бор судга мурожаат қилди. Аёл ундан 10 миллион доллар тўлашни талаб қилмоқда. Бу ҳақда zamon.uz хабар бермоқда.

Ой бошида Трамп ёзувчининг даъвосига кўра жинсий зўравонлик ва туҳматда айбдор деб топилган эди. Суд қарорига кўра, собиқ президент Керроллга беш миллион доллар тўлаши керак.

Ҳукм чиқарилган куннинг эртасига Трамп журналистларга берган интервьюсида даъвогарга нисбатан “хўрловчи гаплар” айтган. Трампнинг сўзларига кўра, у бу аёл билан ҳеч қачон учрашмаган ва Кэрролл унинг дидига мос келмайди. Шунинг учун жинсий зўравонлик қилиши мумкин эмас.

Натижада Кэрролл яна АҚШнинг собиқ президентини ҳақорат деб билган бу сўзлари учун судга беришга қарор қилди.

Аввалроқ Трамп ёзувчи Элизабет Кэрроллга нисбатан тазйиқлар бўйича ҳакамлар ҳайъати ҳукмидан сўнг унинг рейтинги ошганини айтган эди.

Шарҳлар

Об-ҳаво: Тошкент
Валюта курси
1