Bosh prokuratura tomonidan Axborot va ommaviy kommunikasiyalar agentligining Nuz.uz internet sayti muxbiri Mixail Dovlatov bilan bog`liq holatga huquqiy baho berish haqidagi so`rov xati ijro uchun qabul qilindi. Bu haqda Bosh prokuratura matbuot kotibi Hayot Shamsutdinov xabar berdi.
Aniqlanishicha, sudning qaroriga muvofiq, "Novosti Uzbekistana” internet-nashri muxbiri Mixail Dovlatovning harakatida ma`muriy huquqbuzarlik alomatlari yo`qligi sababli, unga nisbatan yuritilgan ma`muriy huquqbuzarlik to`g`risidagi ish tugatilib, jurnalistning buzilgan huquqi tiklandi.
Jurnalist bilan bog`liq holatga aloqador shaxslarning harakatlariga huquqiy baho berish yuzasidan xizmat tekshiruvi tayinlandi.
"Shu o`rinda, mamlakatimizda ommaviy axborot vositalari faoliyati va jurnalistlarning huquq va erkinliklari qonun bilan qo`riqlanishi haqida yana bir bor eslatib o`tamiz", deyiladi xabarda.
