Ijtimoiy tarmoqlarda Andijon viloyatining Baliqchi tumani hokimi lavozimiga yangi nomzod tayinlangani haqida xabarlar tarqaldi. Andijon viloyati hokimligi matbuot xizmati tarqalayotgan xabarlarni rad etdi.
"Bu xabarlar haqiqatga zid. Rasman bunday o`zgarish bo`lmaganini ma`lum qilamiz. Baliqchi tumani hokimi lavozimida Abdurayimov Jasurbek Odiljonovich faoliyat yuritmoqda.
Ommaga yolg`on axborotlar tarqatish qonunchiligimizga asosan javobgarlikka tortilishga etarli sabab bo`lishini, eslatib o`tamiz. Shuningdek, matbuot xizmatiga ushbu soxta xabar ortida turli buyurtmalar mavjud ekanligi bo`yicha ma`lumotlar kelib tushmoqda", - deyiladi xabarda.
